Xitay dölet re'isi xu jintaw shotlandiyidiki G8 ler yighinigha qatnishidu


2005-06-21
Share

Xitay dölet re'isi xu jintaw bu yil 7 - ayda en'giliyining shotlandiye ölkisidiki G-8 ler, dep atalghan sana'etleshken 8 dölet bashliqlar yighinigha qatnishidu. Emma xitay tashqi ishlar ministirliqi xu jintawning 8 dölet bashliqlar yighini jeryanida, yaponiye bash ministiri koyzumi bilen söhbet ötküzüsh pursiti hazirche melum emes, dep körsetti.

Yaponiye - xitay munasiwiti xitaylar yaponiyining xewpsizlik kéngishige da'imiy eza bolush arzusigha qarshi chiqqandin kéyin téximu chongqur krizisike pétip qaldi.

Sana'etleshken 8 dölet bashliqlar yighini 7 we 8 - iyullarda bashlinidiken. Xitay tashqi ishlar ministirliqining bayanatchisi lyu jyenchawning ashkarilishiche, xu jintaw 8 dölet bashliqlar yighinigha qatnishishtin ilgiri, 30 - iyundin 7 - iyulghiche rusiye we qazaqistanlarni ziyaret qilip, qazaqistan paytexti astanida shangxey hemkarliq teshkilatining bashliqlar yighinigha ishtirak qilidu.

Lyu jyenchaw, xu jintawning rusiye bilen qazaqisatdiki ziyariti " öz ara siyasi ishenchini kücheytish, her qaysi sahelerdiki hemkarliqni maslashturush shundaqla istratégiyilik shériklikni yuqiri kötürüsh" ni meqset qilidu, körsetti. Lyu jyenchawning tekitlishiche, ular siyasi dakomént we bir qatar kélishimlargha imza qoyidiken. Bu mezkur organning bu yil 5 - ayda özbékistanning enjan rayonida yüz bergen isyandin kéyin chaqirilghan tunji bashliqlar yighini bolup hésablinidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet