Хитайдин кәлгән "сирлиқ газ" әнқәрәдә тәшвиш пәйда қилди


2005-02-10
Share

Түркийә һава йоллириниң бейҗиңдин әнқәрә әсәнбоға айрудурумиға чүшкән йүк айрупиланидики бир халтидин тәркиби намәлум болған газ чиқип, йүк тошуватқан ишчиларда баш ағриш вә көңүл елишиштәк аламәтләрни кәлтүрүп чиқарди.

Түркийә дөләтлик телевизийисиниң мәлуматлириға қариғанда, бу гуманлиқ халта хитайдин, хитай хәлқ җумһурийитиниң әнқәрәдә турушлуқ әлчиханисиға әвәтилгән халта икән.

Әнқәрәниң муавин валиси һаяти сойло бу мунасивәт билән баянат елан қилип, хитай әлчиханисиға әвәтилгән бу гуманлиқ халта сәвәбидин, айродурумда җиддий һаләт йүргүзгәнликини билдүрди. У йәнә, һәр иһтималға қарши, бу гуманлиқ халтиға йеқинлашқан 43 кишиниң тәкшүрүлүп, арисидики сәккиз кишиниң давамлиқ көзитишкә елип қелинғанлиқини көрсәтти.

Түркийә даирилири хитай әлчиханисиға әвәтилгән бу гуманлиқ халтидин чиққан пурақниң самсақ йеғи икәнлики, униң тәркиби ениқлиниватқан болуп, җүмә күни нәтиҗиси чиқиши мумкинликини оттуриға қойди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт