Xitaydin kelgen "sirliq gaz" enqerede teshwish peyda qildi


2005.02.10
Share on WhatsApp
Share on WhatsApp

Türkiye hawa yollirining béyjingdin enqere esenbogha ayrudurumigha chüshken yük ayrupilanidiki bir xaltidin terkibi namelum bolghan gaz chiqip, yük toshuwatqan ishchilarda bash aghrish we köngül élishishtek alametlerni keltürüp chiqardi.

Türkiye döletlik téléwiziyisining melumatlirigha qarighanda, bu gumanliq xalta xitaydin, xitay xelq jumhuriyitining enqerede turushluq elchixanisigha ewetilgen xalta iken.

Enqerening mu'awin walisi hayati soylo bu munasiwet bilen bayanat élan qilip, xitay elchixanisigha ewetilgen bu gumanliq xalta sewebidin, ayrodurumda jiddiy halet yürgüzgenlikini bildürdi. U yene, her ihtimalgha qarshi, bu gumanliq xaltigha yéqinlashqan 43 kishining tekshürülüp, arisidiki sekkiz kishining dawamliq közitishke élip qélin'ghanliqini körsetti.

Türkiye da'iriliri xitay elchixanisigha ewetilgen bu gumanliq xaltidin chiqqan puraqning samsaq yéghi ikenliki, uning terkibi éniqliniwatqan bolup, jüme küni netijisi chiqishi mumkinlikini otturigha qoydi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet