Yaponiye xitayning sherqiy déngizidiki tebi'iy gaz qézish pilanini tenqid qildi


2005.05.27
Share on WhatsApp
Share on WhatsApp

Yaponiye, béyjingning xitay - yaponiye otturisida talash tartishtiki sherqiy déngiz rayonida tebi'iy gaz qézish pilani mesiliside saxtipezlik qilish bilen eyiplidi. Yaponiye soda ministiri nakagawa, mezkur pilan ixtilap ichidiki xitay - yaponiye munaswitige buzghunchiliq qilidu, dep agahlandurghan.

Xitay hökümiti yaponiye bilen 30 - mayda yuqiri derijilikler söhbiti élip baridu. Söhbetning merkizi témisi, sherqiy déngizda tebi'iy gaz qézish mesilisidiki ixtilaplar bolup, her ikkila terep mezkur rayonda igilik hoquqi barliqini bildürmekte. Xitay terep talash tartishtiki yuqiriqi rayonda teb'iy gaz qézish pa'aliyitini bashlighan.

Yaponiye hökümiti jüme küni élan qilghan "énérgiye aq tashliq kitabi" da, xitay tereptin tebi'iy gaz qézish meshghulatini qoxtutushni telep qildi.

Béyjing hökümiti, xitay - yaponiye munaswitining yéqinqi 30 yildin bériqi eng nachar ehwalgha chüshüp qalghanliqini bildürmekte. Yaponiye soda ministiri nakagawa, xitayning bir tereptin yaponiye bilen sherqiy déngizda tebi'iy gaz qézish mesilisidiki ixtilaplar boyiche söhbet élip bériwétip, yene bir tereptin sherqiy déngizda teb'iy gaz qézishni bashlash, "ong qolini körüshüshke tenglep,, sol qolida musht atqanliqtur," dep körsetti.

Xitay - yaponiye otturisidiki ixtilaplar ötken ayda xitayda yüz bergen yaponiyige qarshi namayishlardin kéyin téximu kücheydi. Xitay hökümiti yaponiyini b d t xewpsizlik kéngishige eza bolush salahiyitige ige emes, dep qarimaqta. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.