Gérmaniyide markél bash ministir boldi

Gérmaniyide sotsiyal démokratlar, xristiyan démokratlar ittipaqi bilen birleshme hökümet qurush toghrisida kélishim tüzüp, xristiyan démokratlar ittipaqining re'isi an'géla markélning bash ministir bolushini qobul qildi.

Gérmaniye metbu'atlirining ilgiri sürüshiche, hazirqi bash ministir shrödir markélning kabintida wezipe almasliqi mumkin. Kélishim boyiche, sotsiyal démokratlar hökümetning 8 ministirlikini, xristiyan démokratlar 6 ministirlikning ministiri bilen dölet mejlisining re'isini békitidiken.

Tashqi ishlar, maliye, edliye, sehiye, muhit, emgek, ijtima'iy ishlar ministirlikliri sotsiyal démokratlargha, dölet mudapi'e, ichki ishlar, iqtisad, yéza igilik, ma'arip we pen - téxnika ishliri ministirlikliri xristiyan dimokratlargha bérilgen.

Yéqinda ötküzülgen saylamda shrödirning sotsiyal démokratlar partiyisi 34 ٪ biletke, an'géla markélning xristiyan démokratlar ittipaqi 35 ٪ biletke érishken. Emma her ikkila partiye öz aldigha hökümet qurush üchün yiterlik bolghan san'gha érishelmigen idi.

Közetküchiler, eger markél hökümet qursa uning amérika bilen yéqinlishidighanliqini, shrödirning xitay bilen yéqinlishish siyasitidin chetneydighanliqini ilgiri sürgen idi. (Erkin)