Xu jintaw shrédör we markillar bilen söhbet ötküzdi

Gérmaniyidiki ziyariti jeryanida Uyghurlar, tibetler we falun'gung muritlirining naraziliq herikitige duch kelgen xitay dölet re'isi xu jintaw, jüme küni gérmaniyining bolghusi bash ministiri abgéla markil we bash ministir gérxard shrédörlar bilen ayrim - ayrim körüshüp, xitay - gérmaniye siyasi we soda munasiwetlirini dawamliq ilgiri sürüshke qoshuldi.

Emma gérmaniye emeldarlirining ashkarilishiche, an'géla markil söhbet jeryanida xu jintawgha " qanunning roli" we xitayda " erkinlikni ilgiri sürüsh" ning ehmiyitini alahide tekitligen.

Birleshme axbarat agéntliqi, ismini ashkarilashni xalimaydighan gérmaniye emeldarliridin an'géla markilning mesilini " özini tutuwalghan halda, emma chüshünishlik qilip" otturigha qoyghanliqini igilligen.

An'géla markil, xitay iqtisadining tereqqiyatini maxtash bilen birge, xitayning barghanche bir reqibke aylinip qéliwatqanliqidin endishe qiliwatqanliqini tilgha alghan. Xu jintaw bilen markil, yawropa ittipaqining xitaygha qoyghan qoral - yaraq imbargosi heqqide toxtalmidi. Emma xu jintaw gérxard shrédör bilen uchrashqanda shrédör imbargoni bikar qilishni qollighan.

Shu küni gérmaniye bash ministir binasining aldida xu jintawgha qarshi namayish ötküzgen Uyghurlardin bir türküm kishiler, gérmaniye saqchiliri teripidin tutup kitilip 2 sa'ettin kéyin qoyup bérildi. (Erkin)