Gérmaniyide parlamént saylimi ötküzüldi

Gérmaniyidiki parlamént saylimida xristiyan démokratlar ittipaqi az kem 1 % üstünlük bilen saylamda ghelibe qildi. Emma hökümet teshkillesh üchün yéterlik san'gha érishelmidi. Bu ehwal gérmaniye siyasiy weziyitide éniqsizliqni keltürüp chiqirishi mumkin, dep qaralmaqta.

Saylam netijisige qarighanda an'géla markilning xristi'an démokratlar ittipaqi saylam bélitining 35.2 % Ge, shridörning hakimiyet béshidiki sotsiyal démokratlar partiyisi 34.3 % Ke érishken. Xristi'an démokratlar ittipaqi gérmaniye parlaméntidiki eng chong partiyige aylan'ghan bolsimu, emma u hökümet teshkillesh üchün yéterlik san'gha érishelmigenliktin, hazirche hökümetni kimning teshkilleydighanliqi melum emes.

Saylamda azghina kem awaz bilen 2 - likke érishken shrüdör, hökümet teshkillesh üchün yéterlik biletke igilikini bildürmekte. U, xristi'an démokratlar ittipaqi bilen birleshme hökümet qurushni ümid qilidighanliqini tekitligen. Emma markil, hökümet teshkillesh hoquqigha érishkenlikini élan qildi. Markilning iqrar qilishiche, u téximu yaxshiraq netijige érishidighanliqini ümid qilghan bolsimu, emma saylam netijisi uning kütkinidek bolmighan.

Közetküchiler, markilning xristi'an démokratlar ittipaqi hökümet teshkillise, shrüdör hökümitining " béyjingperes" siyasitini özgertip, xelq'ara mesililerde amérika bilen bir meydanda turidighanliqini bildürmekte. (Erkin)