Дик ченей: хитайниң сөзи билән һәрикити бирдәк әмәс


2007.02.23
Share on WhatsApp
Share on WhatsApp

Америкиниң муавин президенти дик ченей, җүмә күни австиралийиниң седний шәһиридә тиңшиғучиларға сөз қилип, хитайниң сөзи билән һәрикити бирдәк әмәс, дәп агаһландурди.

Дик ченей, японийә вә гуам арилида елип барған сәпиридин кейин , пәйшәнбә күни австиралийини зиярәт қилип, җүмә күни седнийдики австиралийә - америка рәһбәрлик сөһбити, дәп атлидиған бир хусуси органда сөз қилди. У, хитайниң һәрбий тәрәққият қурулушини тезлитиш пилани шундақла өткән айда елип барған сүний һәмраға қарши башқурулидиған бомба синиқи, униң тинчлиқ билән баш көтүрүш, дәйдиған принсипиға зит, дәп көрсәтти.

Ченей сөзидә хитайниң шималий корийә билән ядро қораллар келишими имзалиништа ойниған ролини махтиған болсиму, лекин хитайниң һәрбий тәрәққият сүрити һәққидә тәрәпләрни агаһландурди. Ченей японийини зиярәт қилғанда японийә баш министири шинзо абей билән хитайниң һәрбий тәрәққият мәсилисини музакирә қилған. японийә хитайниң һәрбий тәрәққият қурулушидин әң көп әндишә қиливатқан дөләтләрниң бири болуп һесаблиниду.

Дик ченей седнейдики йиғинда "өткән айда елип берилған сүний һәмраһқа қарши туруш синиқи вә хитайниң һәрбий қурулуш тәрәққиятини давамлиқ тезлитиш паалийити иҗабий һәрикәт әмәс шундақла бу хитайниң тинчлиқ билән баш көтүрүш пиланиға уйғун кәлмәйду " дәп тәкитлигән.

У, хитайниң йәр шарида хәтәрлик техникиларниң тарқилип кетишини чәкләш сепигә қатнишишини үмид қилди. Хитай, иран, шималий корийә, пакистан, сүрийә қатарлиқ дөләтләргә қирғинчилиқ характирлик қораллар техникисини експорт қилиш билән әйиблиниватқан дөләтләрниң бири. Хитай даирилири 11 - январда елип барған сүний һәмраға қарши башқурулидиған бомба синиқини пән - тәтқиқат мәқситидә елип берилди, дәп ақлиған болсиму, лекин бу синақ америка вә униң иттипақдашлирини әндишигә салмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.