Gérmaniye bash minsitiri, xitay ziyaritide kishilik hoquq mesilsini otturigha qoymaqchi

Gérmaniye bash minstiri enjila mérkel, xitay ziyariti harpisida bérlinde bergen bayanatida, xitay rehberliri bilen élip baridighan söhbetliride kishilik hoquq mesilisinimu otturigha qoyidighanliqini bildürdi.

Gérmaniye bash minstiri mérkel, shenbe küni bergen bayanatida, " biz xitay bilen yéqin iqtisadiy we siyasiy munasiwetlerge ige. Shuning üchün, xitay rehberliri bilen élip bérilidighan söhbetlerde kishilik hoquq, mehsulatlarning süpiti qatarliq talash-tartishtiki mesililernimu muzakire qilishimiz teb'iy" dédi. U, bayanatida, xitay hökümitning afriqa döletliri bilen yéqin munasiwiti barliqini eskertip, "xitay rehberliri bilen bolupmu sudanning darfur rayonidiki kishilik hoquq depsendichilikige qarshi qandaq tedbir qollunush mesilsini muzakire qilimiz " dédi.

Amérika birleshme agéntliqining bildürüshiche, gérmaniye bash minstiri 2006‏- yili xitaygha qilghan ziyariti jeryanidimu kishilik hoquq mesilisini otturigha qoyghan iken. U, yekshenbe küni, xitay we yaponiyige qaratqan ziyaritini bashlimaqchi.

Merkizi gérmaniyining myunxén shehiridiki dunya Uyghur qurultiyi, yéqinda gérmaniye bash minstirigha bir xet ewetip, uningdin xitay ziyariti jeryanida, béyjing hökümitining Uyghurlargha qaratqan kishilik hoquq depsendichiliklirini, otturigha qoyushini telep qilghan idi. (Ömer qanat)