Gérmaniye bash ministiri mérkél xitayni kishilik hoquqqa ehmiyet bérishke chaqirdi


2007.08.28

Gérmaniye bash ministiri Angela Merkel xanim xitaydiki ziyaritining ikkinchi künide, junggo ijtima'iy penler akadémiyiside nutuq sözlidi. Mérkél xanim sözide kishilik hoquqning intayin muhim ikenlikini tekitlep :"pütün dunya diqqet nezirini junggogha qaratti, bolupmu junggoning pikir we axbarat erkinlikige tutqan pozitsiyisi xelq'aradiki muhim mesilige aylandi" dep körsetti.

Fransiye agéntliqining xewirige qarighanda, bash ministir mérkél xanim li datungni öz ichige alghan 4 neper axbarat xadimi bilen biwaste uchrashqan. Axbaratchi li datong " junggo yashlar géziti" ning " muz nuqtisi" sehipisining tehriri bolup, uning mes'ulliqida élan qilin'ghan maqale ‏- obzorlar intayin chong ghulghula qozghighan idi. Shu seweblik xitay hökümiti li datungni xizmettin toxtatqan . Hazir li datung axbarat erkinlikining nemunilik bir obrazigha aylan'ghan.

Li datungning bildürüshiche, mérkél xanim, xitayning axbarat erkinliki we démokratiyisige yéqindin köngül bölüp kéliwatqan rehberlerdin biri iken. An'géla mérkél sherqiy gérmaniyide ösken bolghachqa , gherbtiki bashqa rehberlerge qarighanda mustebit tüzümning mahayitini mukemmel chüshinidiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.