Чеграсиз мухбирлар тәшкилати Google ниң хитайниң тәлипигә қошулғанлиқини әйиблиди


2006-01-25
Share

Чеграсиз мухбирлар тәшкилати чаршәнбә күни дунядики әң чоң интернет торини издәш понкити болған Google ни әйибләп, униң хитайниң тор мулазимәт мәзмунлирини тәкшүрүш тәлипигә қошулушиниң, сөз әркинлики үчүн бир қабаһәтлик хәвәр болидиғанлиқини билдүрди.

Чеграсиз мухбирлар тәшкилати баянатида, " Google ниң хитай һөкүмити билән һәмкарлишиш қарари, номуссизлиқ. Google Немишқа америкида торға чиққучиларниң әркинликини қоғдайдию, хитайдики торға чиққучиларниң издәш һоқуқини чәкләйду?" дәйду.

Google Ниң илгири хитайға киргүзгән издәш әсваблири хитай һөкүмити тәрипидин тақтиветилгән иди. Әмма бу қетим Google хитайниң бир қисим тәләплиригә қошулуп, хитайдики мулазимәт мәзмунлирини тәкшүрүшкә мақул болған.

Бундақ болғанда, хитайдики интернеткә чиққучилар " кишилик һоқуқ, әркинлик вә тибәт" дегәнгә охшаш сөзләрни киргүзгәндә, бу авал хитай һөкүмитиниң тор бәтлиридики бу сөзләр бар бәтләргә улинидикән. Буниңға һәр қайси кишилик һоқуқ тәшкилатлири күчлүк наразилиқ билдүрмәктә. Әмма Google тәрәп болса бу һәқтә өзини ахлап, хитай базириға кириш үчүн мушундақ қилмай амалсиз қалғанлиқини, хитай базириға киргәндин кейин, андин уларниң тәсир күчиниң техиму чоң болидиғанлиқини билдүрди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт