Chégrasiz muxbirlar teshkilati Google ning xitayning telipige qoshulghanliqini eyiblidi


2006-01-25
Share

Chégrasiz muxbirlar teshkilati charshenbe küni dunyadiki eng chong intérnét torini izdesh ponkiti bolghan Google ni eyiblep, uning xitayning tor mulazimet mezmunlirini tekshürüsh telipige qoshulushining, söz erkinliki üchün bir qabahetlik xewer bolidighanliqini bildürdi.

Chégrasiz muxbirlar teshkilati bayanatida, " Google ning xitay hökümiti bilen hemkarlishish qarari, nomussizliq. Google Némishqa amérikida torgha chiqquchilarning erkinlikini qoghdaydiyu, xitaydiki torgha chiqquchilarning izdesh hoquqini chekleydu?" deydu.

Google Ning ilgiri xitaygha kirgüzgen izdesh eswabliri xitay hökümiti teripidin taqtiwétilgen idi. Emma bu qétim Google xitayning bir qisim teleplirige qoshulup, xitaydiki mulazimet mezmunlirini tekshürüshke maqul bolghan.

Bundaq bolghanda, xitaydiki intérnétke chiqquchilar " kishilik hoquq, erkinlik we tibet" dégen'ge oxshash sözlerni kirgüzgende, bu awal xitay hökümitining tor betliridiki bu sözler bar betlerge ulinidiken. Buninggha her qaysi kishilik hoquq teshkilatliri küchlük naraziliq bildürmekte. Emma Google terep bolsa bu heqte özini axlap, xitay bazirigha kirish üchün mushundaq qilmay amalsiz qalghanliqini, xitay bazirigha kirgendin kéyin, andin ularning tesir küchining téximu chong bolidighanliqini bildürdi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet