Xitayning pakistandiki ikki inzhénéri görüge élindi


2004-10-10
Share

Pakistanda su ambiri qurulushigha yardemlishiwatqan ikki xitay inzhénéri shenbe küni salahiyiti namelum kishiler teripidin görüge élindi. Pakistan axbarat organlirining ashkarlishiche, xitay inzhénérlar mashina bilen pakistan - afghanistan chégrisidiki jenubiy waziristan'gha kétiwatqanda qoralliq kishiler teripidin görüge élin'ghan. Pakistan ichki ishlar ministirliki, pakistan amanliq küchlirining xitay inzhénérlarni qutquzushqa heriket qiliwatqanliqini bildürdi. Weqe yüz bergen jenubiy waziristan rayonida yerlik qebililer we chet'ellik "mujahidlar" bilen pakistan amanliq küchliri otturisida pat - pat qattiq toqunush yüz bérip turuwatatti.

Görüge élin'ghan inzhénérlar, xitay dölet igilikidiki su we hidru énérgiye qurulush shirkitining xadimliri bolup, 203 milyon dollar meblegh sélinidighan gomal zam su ambiri éléktr istansisi qurulushigha qatnishiwatatti. Xitayning islam'abadtiki elchixanisi, 70 - 80 dek xitayning mezkur qurulushqa qatnishiwatqanliqini élan qildi. Elchixana bayanatchisining bildürüshiche, ikki xitay inzhénéri bilen bir pakistan amanliq xadimi besh qoralliq kishi teripidin görüge élin'ghan . Hazirghiche héchqandaq bir teshkilat weqege mes'ul bolidighanliqini élan qilmidi. Pakistan amanliq da'iriliri, weqege jenubiy waziristandiki qebililer arilashqan bolushi éhtimal dep qarimaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet