پاكىستان قەبىلە باشلىقلىرى مۇسۇلمان پىدائىلارنى خىتاي پۇقراسىنى قويۇپ بېرىشكە ئۈندىدى


2004-10-12
Share

پاكىستاننىڭ چېگرا رايونىدىكى قەبىلە باشلىقلىرى سەيشەنبە كۈنى ئىككى خىتاي پۇقراسىنى گۆرەگە ئالغان مۇسۇلمان پىدائىلار تۇرۇشلۇق جايغا كېلىپ، ئۇلارنىڭ خىتاي پۇقرالىرىنى قويۇپ بېرىشىنى تەلەپ قىلدى. مەلۇم بولىشىچە، گۆرەگە ئېلىنغان خىتاي پۇقرالىرى تېخى ھايات ئىكەن.

ئامېرىكا بىرلەشمە ئاخبارات ئاگېنتلىقىنىڭ خەۋەر قىلىشىچە، نەچچە يۈزگە يېقىن ھەرقايسى قەبىلىلەرنىڭ مۆتىۋەرلىرى بارۋاند كەنتىدە يىغىلىپ، پىدائىلار قويۇپ بېرىشنى تەلەپ قىلغان ئابدۇللا مەخسۇت بىلەن سۆھبەتلەشتى ھەمدە ئۇنىڭغا خىتاي پۇقرالىرىنى قويۇپ بېرىش ھەققىدە بېسىم ئىشلەتتى.

پاكىستان ئۇچۇر مىنىستىرى شېيىخ رەشىد ئىككى تەرەپ سۆھبىتىنىڭ غەلىبىلىك ئاياقلىشىپ، خىتاي پۇقرالىرىنىڭ ساق-سالامەت قايتىپ كېلىشىنى ئۈمىد قىلىدىغانلىقىنى بىلدۈردى.

پاكىستان مۇسۇلمان مىلىتانلىرى شەنبە كۈنى بۇ ئىككى خىتاي پۇقراسىنى پاكىستاننىڭ ئافغانىستان چېگراسىغا يېقىن جەنۇبىي ۋازىرىستاندا گۆرەگە ئالغان بولۇپ، ئۇلار بۇ يەردىكى خىتاي پاكىستانغا ياردەملىشىپ ياساۋاتقان بىر سۇ توسمىسى قۇرۇلۇشىدا خىزمەت قىلىدىكەن. خىتاي ھۆكۈمىتى گۆرەگە ئېلىنغان خىتاي پۇقرالىرىنى ساق-سالامەت قۇتۇلدۇرۇش ھەققىدە پاكىستان ھۆكۈمىتىگە ئېغىر بېسىم ئىشلەتمەكتە. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت