Пакистан қәбилә башлиқлири мусулман пидаиларни хитай пуқрасини қоюп беришкә үндиди


2004.10.12
Share on WhatsApp
Share on WhatsApp

Пакистанниң чегра районидики қәбилә башлиқлири сәйшәнбә күни икки хитай пуқрасини гөрәгә алған мусулман пидаилар турушлуқ җайға келип, уларниң хитай пуқралирини қоюп беришини тәләп қилди. Мәлум болишичә, гөрәгә елинған хитай пуқралири техи һаят икән.

Америка бирләшмә ахбарат агентлиқиниң хәвәр қилишичә, нәччә йүзгә йеқин һәрқайси қәбилиләрниң мөтивәрлири барванд кәнтидә йиғилип, пидаилар қоюп беришни тәләп қилған абдулла мәхсут билән сөһбәтләшти һәмдә униңға хитай пуқралирини қоюп бериш һәққидә бесим ишләтти.

Пакистан учур министири шейих рәшид икки тәрәп сөһбитиниң ғәлибилик аяқлишип, хитай пуқралириниң сақ-саламәт қайтип келишини үмид қилидиғанлиқини билдүрди.

Пакистан мусулман милитанлири шәнбә күни бу икки хитай пуқрасини пакистанниң афғанистан чеграсиға йеқин җәнубий вазиристанда гөрәгә алған болуп, улар бу йәрдики хитай пакистанға ярдәмлишип ясаватқан бир су тосмиси қурулушида хизмәт қилидикән. Хитай һөкүмити гөрәгә елинған хитай пуқралирини сақ-саламәт қутулдуруш һәққидә пакистан һөкүмитигә еғир бесим ишләтмәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.