Pakistan qebile bashliqliri musulman pida'ilarni xitay puqrasini qoyup bérishke ündidi


2004.10.12
Share on WhatsApp
Share on WhatsApp

Pakistanning chégra rayonidiki qebile bashliqliri seyshenbe küni ikki xitay puqrasini görege alghan musulman pida'ilar turushluq jaygha kélip, ularning xitay puqralirini qoyup bérishini telep qildi. Melum bolishiche, görege élin'ghan xitay puqraliri téxi hayat iken.

Amérika birleshme axbarat agéntliqining xewer qilishiche, nechche yüzge yéqin herqaysi qebililerning mötiwerliri barwand kentide yighilip, pida'ilar qoyup bérishni telep qilghan abdulla mexsut bilen söhbetleshti hemde uninggha xitay puqralirini qoyup bérish heqqide bésim ishletti.

Pakistan uchur ministiri shéyix reshid ikki terep söhbitining ghelibilik ayaqliship, xitay puqralirining saq-salamet qaytip kélishini ümid qilidighanliqini bildürdi.

Pakistan musulman militanliri shenbe küni bu ikki xitay puqrasini pakistanning afghanistan chégrasigha yéqin jenubiy waziristanda görege alghan bolup, ular bu yerdiki xitay pakistan'gha yardemliship yasawatqan bir su tosmisi qurulushida xizmet qilidiken. Xitay hökümiti görege élin'ghan xitay puqralirini saq-salamet qutuldurush heqqide pakistan hökümitige éghir bésim ishletmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet