Pakistan pida'iliri görüge alghan xitay puqralirini qoyup bérishni ret qildi


2004-10-13
Share

Ikki neper xitay puqrasini görüge alghan pakistan musulman pida'iliri charshenbe küni qebile bashliqlirining bu ikki kishini qoyup bérish teliwini ret qildi.

Amérika birleshme axbarat agéntliqining xewer qilishiche, pida'ilar rehbiri abdulla mexsut qebile bashliqliri bilen élip barghan söhbitide, musulman pida'iliri, görüge élin'ghuchilar bilen birge qorshawgha élin'ghan jaydin saq-salamet ayrilishqa kapaletlik qilishni, bolmisa bu ikki kishini qoyup bérish heqqide söhbetlishishni ret qilidighanliqini bildürdi.

Abdulla mexsut yene, "eger hökümet bizning teliwimizge qoshulmisa, bizning pida'ilirimiz özini öltürüwélish xaraktérlik hujum qilidu. Eger hökümet bizge hujum qilishni oylaydiken, u chaghda ular özlirini weyran qilghan bolidu" dédi.

Pakistanning afghanistan bilen chégralinidighan jayidiki qebile bashliqlirining abdulla mexsut bilen ötküzgen söhbiti netijisiz ayaqlashqandin kéyin, ular hökümetning musulman pida'ilirigha qoralliq hujum qilishini qollaydighanliqini bildürdi. Lékin pakistan hökümiti téxi qoral küchi ishlitishni qarar qilmidi.

Bu arida, xitay yashlar gézitide pakistan prézdénti perwez musherrefning bu weqege ümid bilen qaraydighanliqi, hemde bu ishning bir- ikki kün ichide hel bolidighanliqi toghrisida xewer élan qilindi. Emma xewerde bu perezning qaysi menbedin paydilan'ghanliqi toghrisida éniq bir néme diyilmidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet