Béyjing islam'abadning pakistandiki xitay puqralirini qoghdishini telep qildi


2004-10-15
Share

Xitay bash ministiri wén jyabaw islam'abad da'irilirining pakistandiki xitay puqralirining bixeterlikige kapaletlik qilishini telep qildi. Xitay metbu'atlirining xewer qilishiche, xitay bash ministiri wén jyabaw pakistan bash ministiri shawket ezizge télégramma ewetip, islam'abad hökümitining pakistandiki xitay organlirini we xitay grazdanlarni qoghdash yolida emili tedbir élishini telep qilghan. Jenubiy waziristandiki görüge élish weqesini eyipligen xitay bash ministiri, ikki döletning kéyinki ishlarni bir terep qilish mesiliside zich hemkarlishishini ümid qilghan. Pakistan bash ministiri shawket eziz, pakistandiki xitay puqralirini qoghdash yolida emili herket élip baridighanliqini bildürgen. Pakistan prézdénti musherref xitay dölet re'isi xu jingtawgha weqening pilanlighuchilirini jazalaydighanliqi toghrisida wede qilghan.

Pakistan amanliq küchliri jüme küni xitay inzhénirlarni görüge élish weqesining pilanlighuchisi bolghan jenubiy waziristandiki musulman pida'iylar qomandani abdulla mesudni yoqutush herikiti bashlidi. Pakistan uchur ministiri sheyx reshid, amanliq küchliri abdulla mesudni adalet sehnisige élip chiqish yolidiki pütün hazirliqlarni pütterdi dep körsetti. U, görüge élish weqesining xitay - pakistan munasiwétige buzghunchiliq qilghanliqini ilgiri sürgen. Bu arida xitay hökümitining pakistandiki xitay inzhénirlarni görüge élish wélish weqesini tekshürüsh guruppisi pakistan'gha qarap yolgha chiqqan. Abdulla mes'udning qol astidiki musulman pida'iylar görüge éliwalghan ikki xitay inzhénirining biri, pakistan qisimlirining peyshenbe küni élip barghan qutquzush herikitide pida'iylar teripidin öltürülgen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet