Pakistan xitay inzhénérning jesitini herbiy ayropilan bilen élip keldi


2004-10-17
Share

Pakistan hawa armiyisining herbiy ayropilani pakistandiki görüge éliwélish weqeside ölgen xitay inzhénérning jesitini shenbe küni xitayning jinen shehirige élip bardi. Amérika birleshme axbarat agéntliqining xewer qilishiche, béyjing hökümiti xitay soda ministirining yardemchisi chén jyenni görüge éliwélish weqesini bir terep qilishqa yardemlishish üchün pakistan'gha ewetken. Pakistan ichki ishlar ministiri shérpo, pakistan amanliq küchliri görüdiki xitaylarni qutquzush üchün pütün küchi tirishqan bolsimu, biraq görüge tutuwalghan unsurlar oq chiqarghandin kéyin heriket qollan'ghanliqini ilgiri sürmekte.

Pakistan da'irilirining bildürüshiche, wang ping isimlik xitay inzhénér musulman pida'iylarning oqida ölgen. Pakistan qisimliri teripidin qutulduriwélin'ghan wang éndi isimlik xitay inzhénérmu dölitige qaytqan. Pakistan ichki ishlar ministiri shérpo, pakistanda xizmet qiliwatqan xitaylarning bixeterlikini qoghdash tedbirini kücheytidighanliqi heqqide wede qildi. Xewerlerge qarighanda pakistan qisimliri jüme künidin bashlap afghanistan chégrisidiki taghliq rayonlarda tazilash herikiti qozghighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet