Хитай даирилири пакистандики тосма қурулушни вақтинчә тохтатти


2004.10.18
Share on WhatsApp
Share on WhatsApp

Пакистанда бир нәпәр хитай инженериниң өлишини кәлтүрүп чиқарған гөрүгә елиш вәқәси йүз бәргәндин кийин, хитай һөкүмити пакситанниң җәнубий вазиситан қәбилиләр районида һөддигә алған тосма қурулишини тохтатти.

Ройтирс агентлиқиниң дүшәнбә бәргән хәвиригә қариғанда, пакистан даирилири хитай ишчилириниң қурулушни балдуррақ әслигә кәлтүрүшни үмид қилмақта. Пакистан һөкүмити шуниң билән бир вақитта, әл- қайдә билән четишлиқи болған қораллиқ күчләрниң хитай қурулуш хадимлириға тәһдид елип келишиниң икки дөләт иқтисадий мунасивитигә тәсир көрситишидин әндишә қилмақта.

Ройтирис агентлиқини бир нәпәр пакистан су- електир ишлири министирлики хадиминиң сөзини нәқил кәлтүрүшичә, гөрүгә елиш вәқәси йүз бәргәндин кийин, бу йәрдә ишләвәтқан хитай ишчилири интайин чөчүп кәткән. Улар әслигә кәлгәндин кийин хизмәтни йәнә давамлаштуридикән. 100 Дин артуқ хитай қурулуш хадимлири бу тосма қурулушиға қатнишиватқан икән.

Буниң алдида, хитайниң дөләт ишлири комисари таң җияшүән пакистанға йитип келип, исламабад даирилирини пакситанда турушлуқ хитай хадимлириниң бихәрликигә капаләтлик қилишни тәләп қилған. Хитайниң икки нәпәр инженери 29 - синтәбир күни гөрүгә елинип, уларниң бири 14 - өктәбир күнидики қутулдуруш һәрикитидә өлгәндин кийин, хитай даирилири бу вәқәгә алаһидә көңүл бөлмәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.