Xitay da'iriliri pakistandiki tosma qurulushni waqtinche toxtatti

Pakistanda bir neper xitay inzhénérining ölishini keltürüp chiqarghan görüge élish weqesi yüz bergendin kiyin, xitay hökümiti paksitanning jenubiy wazisitan qebililer rayonida höddige alghan tosma qurulishini toxtatti.

Roytirs agéntliqining düshenbe bergen xewirige qarighanda, pakistan da'iriliri xitay ishchilirining qurulushni baldurraq eslige keltürüshni ümid qilmaqta. Pakistan hökümiti shuning bilen bir waqitta, el- qayde bilen chétishliqi bolghan qoralliq küchlerning xitay qurulush xadimlirigha tehdid élip kélishining ikki dölet iqtisadiy munasiwitige tesir körsitishidin endishe qilmaqta.

Roytiris agéntliqini bir neper pakistan su- éléktir ishliri ministirliki xadimining sözini neqil keltürüshiche, görüge élish weqesi yüz bergendin kiyin, bu yerde ishlewetqan xitay ishchiliri intayin chöchüp ketken. Ular eslige kelgendin kiyin xizmetni yene dawamlashturidiken. 100 Din artuq xitay qurulush xadimliri bu tosma qurulushigha qatnishiwatqan iken.

Buning aldida, xitayning dölet ishliri komisari tang jiyashü'en pakistan'gha yitip kélip, islam'abad da'irilirini paksitanda turushluq xitay xadimlirining bixerlikige kapaletlik qilishni telep qilghan. Xitayning ikki neper inzhénéri 29 - sintebir küni görüge élinip, ularning biri 14 - öktebir künidiki qutuldurush herikitide ölgendin kiyin, xitay da'iriliri bu weqege alahide köngül bölmekte. (Arzu)