Iraqtiki qoralliq küchler sekkiz neper xitayni görüge éliwaldi

Iraqtiki qarshiliq körsetküchi küchler sekkiz neper xitayni görüge élip, ularni öltüriwitidighanliqi heqqide tehdid saldi.

Qatardiki el- jezire téléwiziyiside seyshenbe küni qoyulghan sin'alghu léntisidin melum bolushiche, iraqtiki qarshiliq körsetküchi küchler xitay hökümitige 48 sa'et ichide iraqtin chékinip chiqip kétishni buyrughan. Bolmisa, görüge élin'ghan bu kishilerni öltüriwitidighanliqini bildürgen. Ular yene xitay shirketlirining iraqta amérika eslihelirini yasashqa yardem bériwatqanliqi üchün, bu xitaylarni görüge alghanliqini éytqan.

Sin'alghu léntiside ikki qoralliq kishining xitay pasportini tutup turghan sekkiz neperxitayning yénida tapanchisini tenglep turghan körinishler körsitilgen.

Xitay hökümitining metbu'atlirimu seyshenbe sekkiz neper puqrasining görüge élin'ghanliq xewirini ispatlap, bu kishilerning iraqta ishlewatqan fujyenlik qurulush ishchiliri ikenlikini bildürdi. Xitay da'iriliri yene diplomatlirining görüge élin'ghanlarni qutuldurush heriketlirini élip bériwatqanliqini körsetti. (Arzu)