Нигерийидә бәш хитай ишчиси гөрүгә елинди


2007.01.05
Share on WhatsApp
Share on WhatsApp

Җүмә күни нигерийиниң мол нефит мәнбәсигә игә җәнуби районидики бир телефон ширкитиниң бәш хитай ишчиси қораллиқ намәлум кишиләр тәрипидин гөрүгә елинған.

Франсийә агентлиқиниң вәқә һәққидики суаллирини җавабландурған нигерийидики хитай баш әлчиханисиниң ахбарат идарисиниң хадими ву, хитай ишчилириниң кимләр тәрипидин елип қичилғанлиқини ениқлаш үчүн җиддий паалийәт елип бериватқанлиқини билдүрүп, "биз вәқәдин нигерийә һөкүмитини хәвәрдар қилдуқ вә ишчиларни тепиш үчүн нигерийә һөкүмитидин ярдәм сораймиз", деди.

У хитай ишчиларниң кимлики, қайси телефон ширкити үчүн ишләйдиғанлиқи вә вәқәниң қандақ йүз бәргәнлики һәққидә һечқандақ мәлумат бәрмигән.

Һазирғичә һечқандақ шәхис яки гуруппа бу йилдики тунҗи қетимлиқ гөрүгә елиш һәрикити һесабланған бу вәқәниң мәсулийитини үстигә алмиди.

Қораллиқ күрәш елип бериватқан нигерийә дилтасини қутқузуш һәрикити намлиқ бир тәшкилат өткән йили 12‏- ай италийиниң агип нефит ширкитидә хизмәт қиливатқан үч италийә вә бир ливан пуқрасини гөрүгә алған. Гөрүгә елинған бу төт киши һелиму мәзкур тәшкилат тәрипидин тутуп турулмақта. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.