Nigériyide besh xitay ishchisi görüge élindi


2007.01.05
Share on WhatsApp
Share on WhatsApp

Jüme küni nigériyining mol néfit menbesige ige jenubi rayonidiki bir téléfon shirkitining besh xitay ishchisi qoralliq namelum kishiler teripidin görüge élin'ghan.

Fransiye agéntliqining weqe heqqidiki su'allirini jawablandurghan nigériyidiki xitay bash elchixanisining axbarat idarisining xadimi wu, xitay ishchilirining kimler teripidin élip qichilghanliqini éniqlash üchün jiddiy pa'aliyet élip bériwatqanliqini bildürüp, "biz weqedin nigériye hökümitini xewerdar qilduq we ishchilarni tépish üchün nigériye hökümitidin yardem soraymiz", dédi.

U xitay ishchilarning kimliki, qaysi téléfon shirkiti üchün ishleydighanliqi we weqening qandaq yüz bergenliki heqqide héchqandaq melumat bermigen.

Hazirghiche héchqandaq shexis yaki guruppa bu yildiki tunji qétimliq görüge élish herikiti hésablan'ghan bu weqening mes'uliyitini üstige almidi.

Qoralliq küresh élip bériwatqan nigériye diltasini qutquzush herikiti namliq bir teshkilat ötken yili 12‏- ay italiyining agip néfit shirkitide xizmet qiliwatqan üch italiye we bir liwan puqrasini görüge alghan. Görüge élin'ghan bu töt kishi hélimu mezkur teshkilat teripidin tutup turulmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.