Гретсийидики от апитидә 50 тин артуқ адәм өлди

Җүмә күнидин етибарән йәкшәнбә күнигичә болған арилиқта гретсийиниң җәнубидики 170 тин артуқ йезиларда дәһшәтлик от апити йүз берип, аз дегәндә 50 тин артуқ адәм һаятидин айрилған.

От апити ичидә қалған қәдимий олимпия йезисиниң әмәлдарлири вә пуқралири сирттин қутқузуш ярдәмлири тәләп қилған болуп, уларниң билдүрүшичә, бу җайниң от апити түпәйлидин сирт билән болған мунасивити үзүлүп қалғанлиқи үчүн су йоқ әһвал шәкилләнгән.

Б б к агентлиқиниң хәвәр қилишичә, гретсийидә көрүлгән мәзкур от апити түпәйлидин, пүтүн гретсийә җиддий һаләткә өткән болуп, дөләтниң от өчүрүш күчи буниңға йәтмигән. Һәтта һәрбий қисимлар, пуқраларму от өчүрүш күришигә қатнашқан. явропа иттипақи италийә, сипрус қатарлиқларниң дөләтләрниң от өчүрүш айропиланлири вә хадимлирини ярдәмгә әвәткән.

Бир қисим гретсийә даирилири бу от апитиниң намәлум кишиләр тәрипидин пәйда қилинғанлиқи, йәнә бәзилири болса буниң һаваниң һәддидин зиядә иссип кетишидин келип чиққанлиқини әксәртмәктә. (Үмидвар)