Grétsiyidiki ot apitide 50 tin artuq adem öldi

Jüme künidin étibaren yekshenbe künigiche bolghan ariliqta grétsiyining jenubidiki 170 tin artuq yézilarda dehshetlik ot apiti yüz bérip, az dégende 50 tin artuq adem hayatidin ayrilghan.

Ot apiti ichide qalghan qedimiy olimpiya yézisining emeldarliri we puqraliri sirttin qutquzush yardemliri telep qilghan bolup, ularning bildürüshiche, bu jayning ot apiti tüpeylidin sirt bilen bolghan munasiwiti üzülüp qalghanliqi üchün su yoq ehwal shekillen'gen.

B b k agéntliqining xewer qilishiche, grétsiyide körülgen mezkur ot apiti tüpeylidin, pütün grétsiye jiddiy haletke ötken bolup, döletning ot öchürüsh küchi buninggha yetmigen. Hetta herbiy qisimlar, puqralarmu ot öchürüsh kürishige qatnashqan. Yawropa ittipaqi italiye, siprus qatarliqlarning döletlerning ot öchürüsh ayropilanliri we xadimlirini yardemge ewetken.

Bir qisim grétsiye da'iriliri bu ot apitining namelum kishiler teripidin peyda qilin'ghanliqi, yene beziliri bolsa buning hawaning heddidin ziyade issip kétishidin kélip chiqqanliqini eksertmekte. (Ümidwar)