Грузийә президенти сакашивели истипа бәрди


2007-11-25
Share

Икки һәптиләрдин буян давамлишиватқан грузийидики өктичилик намайишлири вә наразилиқ һәрикәтлири нәтиҗисидә грузийә президенти михаил сакашивели өзиниң президентлиқ вәзиписидин истипа бәргәнликини һәмдә келәр йили 5-январда йеңи президент сайлими өткүзүлидиғанлиқини елан қилди.

Сакашивели шәнбә күни вәзиписидин истипа бәргәнликини һәмдә вақитлиқ президентлиқ вәзиписини парламент башлиқи нина бурҗанадзе беҗирип туридиғанлиқини елан қилди. Бирақ, бурҗанадзениң парламентни тарқитиш вә яки һөкүмәт тәсис қилиш һоқуқи болмайдикән. Русийиниң итартас агентлиқиниң хәвәр қилишичә, йәкшәнбә күни грузийә парламенти сакашвелиниң истипасини рәсмий қобул қилди.

Сакашивели өзиниң 5-январ күни сайламға чүшүп, әң демократик вә қануний йол билән вәзиписини давамлаштуридиғанлиқини билдүргән. Сакашивели 7-ноябир күни тиблиста йүз бәргән өктичиләрниң наразилиқ намайишлирини тинҗитқандин кейин һәрбий һаләт елан қилип, 16- ноябир күни бикар қилған иди.

Сакашивели грузийидики рәңлик инқилаб нәтиҗисидә сабиқ президент шивернадзениң орниға чиққан болуп, у русийигә қарши, әмма ғәрбпәрәс сиясәт йүргүзгән иди. Нәтиҗидә русийә грузийиниң үзүм һарақлирини импорт қилишни чәклигән һәмдә русийидики грузинларни қоғлап чиқарған болуп, бу грузийә иқтисадиға сәлбий тәсир көрсәткән. Бәзи көзәткүчиләр грузийидики сакашивелиға қарши өктичилик һәрикәтлиридә русийиниң қоли барлиқини йезишмақта. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт