Gruziye prézidénti sakashiwéli istipa berdi


2007-11-25
Share

Ikki heptilerdin buyan dawamlishiwatqan gruziyidiki öktichilik namayishliri we naraziliq heriketliri netijiside gruziye prézidénti mixa'il sakashiwéli özining prézidéntliq wezipisidin istipa bergenlikini hemde kéler yili 5-yanwarda yéngi prézidént saylimi ötküzülidighanliqini élan qildi.

Sakashiwéli shenbe küni wezipisidin istipa bergenlikini hemde waqitliq prézidéntliq wezipisini parlamént bashliqi nina burjanadzé béjirip turidighanliqini élan qildi. Biraq, burjanadzéning parlaméntni tarqitish we yaki hökümet tesis qilish hoquqi bolmaydiken. Rusiyining itartas agéntliqining xewer qilishiche, yekshenbe küni gruziye parlaménti sakashwélining istipasini resmiy qobul qildi.

Sakashiwéli özining 5-yanwar küni saylamgha chüshüp, eng démokratik we qanuniy yol bilen wezipisini dawamlashturidighanliqini bildürgen. Sakashiwéli 7-noyabir küni tiblista yüz bergen öktichilerning naraziliq namayishlirini tinjitqandin kéyin herbiy halet élan qilip, 16- noyabir küni bikar qilghan idi.

Sakashiwéli gruziyidiki renglik inqilab netijiside sabiq prézidént shiwérnadzéning ornigha chiqqan bolup, u rusiyige qarshi, emma gherbperes siyaset yürgüzgen idi. Netijide rusiye gruziyining üzüm haraqlirini import qilishni chekligen hemde rusiyidiki gruzinlarni qoghlap chiqarghan bolup, bu gruziye iqtisadigha selbiy tesir körsetken. Bezi közetküchiler gruziyidiki sakashiwéligha qarshi öktichilik heriketliride rusiyining qoli barliqini yézishmaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet