Amérika metbu'atlirida gu'antanamodiki Uyghurlar


2006-04-18
Share

Amérika aliy sot mehkimisi düshenbe küni gu'antanamodiki adil ablikim we ababekri qasimlarning erzini körüp chiqishni ret qilghandin kéyin, Uyghur mesilisi yene bir qétim amérika metbu'atlirining xewer témisigha aylinip, " Uyghurlar uzundin béri xitay hökümitini bi'aram qilip kéliwatqan we shinjangda özining sherqiy türkistan dölitini qurush pishida yürgen kishiler" dep tunushturuldi.

" Washin'gton pochta géziti"düshenbe künki sanida élan qilghan xewirige, ababekri qasimlarning erzini ret qilghanliqini "aliy sot junggoluq tutqunlarning dilosini anglap béqishni xalimidi " dep mawzu qoyghan. " Washin'gton pochta géziti," ababekri qasim we adil ablikimlarning térrorchiliq bilen alaqisiz ikenliki éniqlan'ghan bolsimu, lékin 4 yildin béri gu'antanamodiki amérika türmiside tutup turuluwatqanliqini we bush hökümiti ulargha amérikidiki Uyghur jama'etchilikining kapalet bergenlikige qarimay, musapirliq salahiyiti bermigenlikini yazdi.

Mezkur gézitning eskertishiche, ababekri qasimlarning adwukati seybin willét " biz aliy sotning ularni tingshap baqmighanliqidin heyran qalmaymiz " dep tekitligen. Seybin willit, ottura sot özining hökümini élan qilishtin burun aliy sotning diloni körüp chiqishni qobul qilishi pewqul'adde az uchraydighan hadise " deydu. " Bügünki amérika géziti" seyshenbe küni xewiride Uyghur tutqunlar mesilisini yazdi. " Bügünki amérika géziti" ning eskertishiche, Uyghurlar béyjingning hökümranliqigha qarshi uzun mezgillerdin béri tirkishp kéliwatqan ottura asiyadiki bir millet. Xewerde, "bush hökümiti gu'antanamodiki Uyghurlarni béyjinggha ötküzüp berse, ularning ten jazasigha uchrash yaki öltürülüshidin endishi'e qilmaqta idi" deydu.

Amérika aliy sot mehkimisi mezkur diloni körüp chiqishni ret qilghan bolsimu, lékin kéler ayning 8 - küni washin'gton rayonidiki bir fédiral ottura sot mehkimisi ularning erznamisi boyiche sot achidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet