Amérika gu'entanamodiki qa'ide-tüzümlerni qaytidin közdin köchüridighanliqini bildürdi


2006-06-12
Share

Düshenbe küni amérika da'iriliri, gu'entanamu türmisidiki üch mehbus özini öltürüwalghandin kéyin, gu'entanamodiki qa'ide-tüzümlerni qaytidin közdin köchüridighanliqini bildürdi.

Gu'entanamo türmiside tutup turuluwatqan mehbuslarning adwokatliri bolsa, amérika hökümitidin mehbuslargha amérika sotlirigha erz sunush hoquqi bérishini telep qildi. Ular shundaqla prézidént jurj bush hökümitining musteqil doxtur we tibbiy xadimlarning gu'entanamo türmisige bérip, mehbuslarni tekshürüshige ruxset bérishi kéreklikini bildürdi.

Bu arida amérika mudapi'e ministirliqining bayanatchisi brayin witman washn'gtonda muxbirlargha bergen bayanatida, gu'entanamo türmiside tutup turuluwatqan üch mehbusning özini öltürüwalghanliqi, türmidiki weziyetning kontrolluqtin chiqqanliqi dégenlik emes, bu türme qa'ide- tüzümlerge asasen bashquruluwatidu, dédi.

Uning éytishiche, amérika mudapi'e minstirliqi gu'entanamo türmisidiki özini öltürüwélish weqesi heqqide etrapliq bir tekshürüsh élip baridiken.

Amérika da'iriliri, gu'entanamo türmiside özini ésip ölüwalghan üch mehbusning mani sharman turki elxeberdi el uteybi we yasir talal elzahrani isimlik ikki se'udi erebistan puqrasi we eli abdulla exmet isimlik bir yemen puqrasi ikenlikini élan qildi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet