Amérikining eng aliy sot mehkimisi gu'entanamo herbiy sotini "qanunsiz" dep höküm chiqardi


2006-06-30
Share

Fransiye agéntliqining xewer qilishiche, 6 ‏- ayning 29 ‏- küni amérikining eng aliy sot mehkimisi amérika hökümitining gu'entanamo diki déngiz armiye herbiy lagirida tesis qilin'ghan térrorchiliqqa qarshi urush herbiy sotini "qanunsiz" dep höküm chiqardi. Hükümnamide "gu'entanamo herbiy sotining resmiyetliri wéna ehdinamisining urushta esir élin'ghanlargha qilinidighan mu'amile jehettiki belgilimirige xilap" déyilgen. Shundaqla yene, amérika prézidénti jorji bushning bundaq herbiy sotni tesis qilghanliqini "özining hoquqi da'irisidin chetnigenlik" déyilgen. Aq saray hazir buninggha jawab bérish aldida turmaqta.

Xewerde bayan qilinishiche, aq sarayning pishiqedem xadimi "bu jehettiki belgilimiler murekkep, qanun meslihetchiliri buni közitiwatidu" dep chüshendürgen. Amérika prézidénti jorji bush bolsa, özi bu ishni dölet mejlisining meslihetige qoymay, belki 11 ‏- séntebir weqesidin bir hepte ötkende prézidéntqa "zörür tépilghanda her qandaq jiddiy heriket qollinishqa bolidu" dep bérilgen pewqul'adde hoquqqa asasen ish körgenlikini bayan qilmaqta. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet