Гуәнтанамодики мәһбуслар америка хәлқ сот мәһкимисигә әрз суналмаслиқи мумкин


2007-02-20
Share

Америкиниң вашингтон районидики бир фәдәрал сот мәһкимиси сәйшәнбә күни һөкүм чиқирип, бундин кейин гуәнтанамодики америка армийиси тәрипидин тутуп турулуватқан чәтәллик тутқунларниң америка хәлқ сот мәһкимилиригә әрз қилиш һоқоқи йоқлиғини елан қилди вә чәтәллик тутқунларниң мәсилиси бундин кейин гуәнтанамодики тутқунларни сотлаш үчүн қурулған һәрбий сот коллигийисидә бир тәрәп қилиниши керәкликини билдүрди.

Нөвәттә гуәнтанамода 300 дин артуқ тутқун болуп, буларниң арисида 17 нәпәр уйғур бар. Әслидә бу йәрдә 22 нәпәр уйғур бар иди. Лекин бундин илгири, уларниң арисидики бәшини америка албанийәгә йолға салған.

Көзәткүчиләрниң әскәртишичә, федерал сот мәһкимисиниң бу һөкүмидин кейин, америка дөләт мудапиә министирлиқи "дөшмән җәңчиси әмәс" дәп елан қилған гуәнтанамодики уйғур тутқунларниң америка хәлқ сот мәһкимилиригә әрз қилиш йоли пүтүнләй тақалған болуши мумкин. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт