Kanada amérikining güentanamodiki Uyghurlargha siyasi panahliq bérish telipini ret qilghan


2007.08.16

Kanada hökümitining resmi höjjetliride ashkarilinishiche, kanada amérikining güentanamodin qoyup bérilidighan Uyghurlargha panahliq bérish heqqidiki bir qanche qétimliq telipini ret qilghan. Kanadaning sabiq tashqi ishlar ministiri pétir makkéygha bu yil 2 - ayda yollan'ghan bir höjjettin ashkarilinishiche, amérika kanadadin güentanamodiki Uyghurlarni qobul qilishni telep qilip, ularning dölet bixeterlikige tehdit salmaydighanliqini ilgiri sürgen.

Amérika bir tereptin güentanamodiki Uyghurlarni amérikida orunlashturushtin özini qachursa, yene bir tereptin ularni xitaygha qaytursa jazalinishidin ensirep, 3 - bir döletke orunlashturushni oylisimu, lékin bu döletler xitay bilen munasiwitining buzulushidin qorqup ularni qobul qilishtin bash tartmaqta. Kanada tashqi ishlar ministirlikining bu yil 5 - aydiki bir yighin xatiriside körsitilishiche," kanada emeldarliri amérika wekiller ömikige kanada köchmenler qanuni bu kishilerni qobul qilishqa yol qoymaydu," dep jawab bergen. Washin'gtonda amérika dölet mudapi'e ministirliki - besh burjeklik bina, amérika hökümitining bashqa döletler bilen Uyghurlarni orunlashturush üstide söhbet élip barghanliqini étirap qildi. Xewerlerge qarighanda amérika 2005 - yilining axirliri kanada libérallar hökümiti dewride 3 qétim Uyghur tutqunlar mesilisini otturigha qoyup, buningdin netije alalmighan.

2006 - Yili, 5-ayda albaniye 5 neper Uyghurni qobul qilghandin kéyin, amérika kanada hökümitining munasiwetlik organliridiki biyukratlar , siyasetchiler we bash ministir stipan xarpérning ishxanisi bilen yene bu mesile üstide söhbet ötküzgen. Kanada tashqi ishlar ministirlikining höjjitige qarighanda kanada hökümiti Uyghurlarni qobul qilish yaki ret qilishni bilelmey, tashqi ishlar ministirlikige mesilining ikki tereplimilik yaki köp tereplimilik tesirini oyliship körüshni hawale qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.