Президент буш, гуәнтанамо түрмисини тақашни үмид қилидиғанлиқини билдүрди


2006-06-22
Share

Америка призиденти җорҗ W буш чаршәнбә күни авистирийиниң пайтәхти венада, гуәнтанамо түрмисини тақашни халайдиғанлиқини билдүрди.

Америка бирләшмә агентлиқиниң 22 ‏- июн күни бәргән хәвиридә ейтилишичә, буш, гуәнтанамо түрмисидә тутуп туруливатқан кишиләрниң көпинчисиниң өз дөләтлиригә тапшурулидиғанлиқини, пәқәт мәһбусларниң ичидики бир қисимлириниң "рәһимсиз қатиллар " дәп қарилип, улар үстидин һөкүм чиқирилидиғанлиқини тәкитлиди.

Буш гуәнтанамо түрмисини тақаш һәққидә тохтилиштин бурун, яврупа иттипақидики рәһбәрләр билән учришип, сөһбәт өткүзгән, бу җәрянда икки тәрәп рәһбәрлири сода, йәр шари енергийә бихәтәрлики мәсилиси, һава келиматиниң бузулуши, ирақ вәзийити һәмдә иранниң ядро қораллири қатарлиқ мәсилләр бойичә музакирләшкән.

Президент буш сөзидә йәнә, яврупа иттипақиниң гуәнтанамо түрмисидики мәһбуслар мәсилисигә интайин әһмийәт бериватқанлиқи һәққидә тохтулуп": америка соти , бәзибир мәһбуслар үстидин чоқум һөкүм чиқириши керәк, әгәр бу кишиләр үстидин һөкүм чиқирилмай қоюп берилсә , улар чоқум кишиләрни өлтүрүшкә охшаш зиянкәшликләр билән шуғуллиниши мумкин" деди.

Авистирийә даирилири , бу қетимқи учришиш пурситидин пайдилинип, америкидин, қисқа вақит ичидә гуәнтанамо түрмисини тақаш керәкликини тәшәббүс қилған.

Нөвәттики вәзийәттин қариғанда, гуәнтанамо түрмисидики мәһбуслар ичидә пәқәт 10 киши, һәрби сотниң һөкүмигә учрайдикән.Гуәнтанамо түрмисидә тутуп туруливатқан 22 нәпәр уйғур мәһбусниң 5 и америка һөкүмити тәрипидин гунаһсиз санилип, албанийигә тапшурулған иди, бирақ йәнә 17 нәпәр уйғур йәнила мәзкүр түрмидә болуп, уйғур сиясий паалийәтчилириниң билдүрүшичә , әгәр бу уйғур мәһбуслар хитайға қайтурулса, хитай һөкүмитиниң сиясий бесимиға һәтта өлүм җазасиға учрайдикән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт