Prézidént bush, gu'entanamo türmisini taqashni ümid qilidighanliqini bildürdi


2006-06-22
Share

Amérika prizidénti jorj W bush charshenbe küni awistiriyining paytexti wénada, gu'entanamo türmisini taqashni xalaydighanliqini bildürdi.

Amérika birleshme agéntliqining 22 ‏- iyun küni bergen xewiride éytilishiche, bush, gu'entanamo türmiside tutup turuliwatqan kishilerning köpinchisining öz döletlirige tapshurulidighanliqini, peqet mehbuslarning ichidiki bir qisimlirining "rehimsiz qatillar " dep qarilip, ular üstidin höküm chiqirilidighanliqini tekitlidi.

Bush gu'entanamo türmisini taqash heqqide toxtilishtin burun, yawrupa ittipaqidiki rehberler bilen uchriship, söhbet ötküzgen, bu jeryanda ikki terep rehberliri soda, yer shari énérgiye bixeterliki mesilisi, hawa kélimatining buzulushi, iraq weziyiti hemde iranning yadro qoralliri qatarliq mesiller boyiche muzakirleshken.

Prézidént bush sözide yene, yawrupa ittipaqining gu'entanamo türmisidiki mehbuslar mesilisige intayin ehmiyet bériwatqanliqi heqqide toxtulup": amérika soti , bezibir mehbuslar üstidin choqum höküm chiqirishi kérek, eger bu kishiler üstidin höküm chiqirilmay qoyup bérilse , ular choqum kishilerni öltürüshke oxshash ziyankeshlikler bilen shughullinishi mumkin" dédi.

Awistiriye da'iriliri , bu qétimqi uchrishish pursitidin paydilinip, amérikidin, qisqa waqit ichide gu'entanamo türmisini taqash kéreklikini teshebbüs qilghan.

Nöwettiki weziyettin qarighanda, gu'entanamo türmisidiki mehbuslar ichide peqet 10 kishi, herbi sotning hökümige uchraydiken.Gu'entanamo türmiside tutup turuliwatqan 22 neper Uyghur mehbusning 5 i amérika hökümiti teripidin gunahsiz sanilip, albaniyige tapshurulghan idi, biraq yene 17 neper Uyghur yenila mezkür türmide bolup, Uyghur siyasiy pa'aliyetchilirining bildürüshiche , eger bu Uyghur mehbuslar xitaygha qayturulsa, xitay hökümitining siyasiy bésimigha hetta ölüm jazasigha uchraydiken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet