Amérika aliy soti, güentanamodiki mehbuslarning délosini körüp chiqishni qarar qildi

Amérika aliy soti jüme küni özi chiqarghan hökümni bikar qilip, güentanamoda tutup turuluwatqan mehbuslarning délosini körüp chiqishni qubul qildi hemde ularning amérikidiki sotlargha eriz sunush hoquqigha ige ikenlikini qarar qildi. Qanun shunaslarning bildürüshiche, amérika aliy sotining özi chiqarghan hökümini qayturuwélishi nechche on yilidin béri amérika qanun saheside, körülüp baqmighan bir ish iken.

Aliy sot 2004‏- yili, amérika fédéral sotlirining güentanamoda tutup turuluwatqan mehbuslarning mesilsini körüp chiqish salahiyiti yuq dep, höküm chiqarghan idi.

Mutexesisislerning éytishiche, amérika aliy sotning bu qarari, yéngi bir hoquq kürishining bishariti hésablinidiken. Nyuyork waqti gézitining bildürüshiche, bu qarar prézidénti bush hökümiti ichide, xelq'ara jama'etning qattiq tenqidige uchrawatqan güentanamo türmisini qandaq taqash toghrisidiki talash-tartishlarni téximu tézlitishi mumkin iken.

Amérika edliye minstirliqining bayanatchisi erik ablin aliy sotning qarargha inkas qayturup, "biz aliy sotning bundaq qarar chiqarghanliqidin qattiq epsuslanduq. Lékin biz özimizning meydanining qanuni asasi barliqigha ishinimz we sotta buni otturigha qoyimiz" dédi.

Lékin güentanamoda tutup turuluwatqan 375 neper mehbuslar ning adwukatliri, aliy sotning tuyuqsiz alghan qararini qizghinliq bilen qarshi élip, buni qanun sahesidiki bir ghelibe dep, körsetti. (Ömer qanat)