Sabiq güentanamo tutqunliri 17 yilliq qamaq jazasigha höküm qilindi


2007-08-18
Share

Tajikistan aliy soti jüme küni, 2001‏- yili noyabir éyida afghanistanda amérika herbiy qisimliri teripidin tutulghan we besh yildin köp güentanamodiki herbiy türmide tutup turulghan, muhit wahidof we rokniddin sharapof isimlik ikki tajik puqrasini, chégridin qanunsiz ötken dégen'ge oxshash jinayetler bilen eyiblep 17 yilliq qamaq jazasigha höküm qildi.

Amérika birleshme agéntliqining xewer qilishiche, wahidof we sharapof bu yil mart éyida amérika da'iriliri teripidin tajikistan hökümitige tapshurup bérilgen iken. Xewerde éytilishiche, amérika hökümiti teripidin bu yilning bashlirida tajikistan'gha tapshurup bérilgen tajik mehbuslarning sani 10 kishige yétidiken.

Sotchi musammir urakofning bayan qilishiche, her ikkisi 26 yashtiki wahidof we sharapof, 2001‏- yili chégridin qanunsiz ötüp afghanistan'gha kirgen, özbékistan islamiy herikitige yallanma esker bolup, xizmet qilghan dep eyiblen'gen.

Wahidoq we sharapofning a'ililiri tajikistan aliy sotining hökümige qattiq naraziliq bildürgen. Wahidof we sharapof üstidin 7‏- awghust küni sot échilghan idi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet