Gu'entanamodiki 3 mehbus özini öltüriwaldi


2006-06-11
Share

Shenbe küni kechte amérikining kubadiki gu'entanamo türmiside tutup turiliwatqan 3 neper mehbus özini ésip öliwalghan. Ularning ikkisi se'udiy erebistanliq biri yemenlik iken.

Amérika birleshme agéntliqining melum qilishiche, amérika herbiy da'iriliri hazirche bu 3 mehbusning ismini élan qilmighan. Lékin ular yuqiri nazaret astidiki 1‏- lagirda ayrim qamaqqa solan'ghan bolup, ularning arisidiki biri téxi yuqiri derijilik el-qe'ide ezasi iken.

Xewerde körsitilishiche, her üchilisi kiyim-kéchek we körpe kirlikliri bilen aghamcha yasap shuninggha ésilip öliwalghan hemde ölüshtin burun xet yézip qaldurghan. Emma amérika herbiy da'iliri bu xetning mezmunlirini élan qilmidi. Mehbuslarning adwukati ularning ümidsizliktin özini öltüriwalghanliqini bildürdi.

Emma amérikining kubadiki bazisining qomandani herriy harris muxbirlargha bu kishilerning insan hayatini qedirlimeydighanliqini körsitip, " ular hergizmu ümidsizlinip özini öltüriwalghan emes. Ularning bundaq qilishi, bizge mas kelmigen jeng élan qilghanliq bolidu" dédi.

Gu'entanamo türmiside hazir 460 neper mehbus tutup turiliwatqan bolup, amérika herbiy da'irliri ularning köpünchisini bin ladinning el-qe'ide teshkilatigha we afghansitandiki taliban teshkilatigha chétishlighi bolghan térrorchi gumandarliri dep qaraydu. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet