Gu'entanamodin yene bir Uyghur qoyup bérildi


2006.06.26
Share on WhatsApp
Share on WhatsApp

Amérika hökümiti, se'udi erebistan puqrasi Uyghur yash sadiq exmet türkistanni, gu'entanamo türmisidin qoyup bérip, se'udi erebistan'gha ewetiwetti.

Amérika mudapi'e ministirliqining bildürüshiche, shenbe küni gu'entanamo türmiside tutup turuluwatqan mehbuslardin se'udi erebistan puqrasi 14 mehbus se'udi erebistan'gha ewetilgen bolup, bular ichide se'udiy erebistan puqrasi Uyghur yash sadiq exmet türkistanimu bar iken.

Sadiq exmet türkistanining adwokatliri, uning 18 ay burun herbiy sot teripidin düshmen jengchisi emes dep békitilgenlikini bildürgen . Amérika hökümiti, ötken ay gu'entanamoda tutup turuluwatqan Uyghur mehbuslarning beshini, xitay hökümitining ularni xitaygha qayturush teleplirini ret qilip, albaniyige orunlashturghan idi.

Xewerlerge qarighanda,sadiq exmet türkistanini afghanistanda talibanlar, se'udi erebistan hökümiti teripidin osma bin ladinni öltürüsh üchün ewetilgen dégen guman bilen qolgha élip türmige tashlighan iken.

Afghanistandiki talibanlar hakimiyiti amérika herbiy qisimliri teripidin gumran qilin'ghandin kéyin, sadiq exmet türkistani, amérika qisimliri teripidin qolgha élinip, gu'entanamo herbiy türmisige tashlan'ghan. Gü'entanamodiki soraq jeryanida,sadiq exmet türkistanining gunahsiz ikenliki bayqilip, herbiy sot 2005‏- yili yaniwar iyida uning düshmen jengchisi emesliki toghrisida höküm chiqarghan idi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.