Kishilik hoquq közitish teshkilati yawropa birligini gu'entanamo türmisini taqashqa ündeshke chaqirdi


2006.07.16
Share on WhatsApp
Share on WhatsApp

Kishilik hoquq közitish teshkilati yawropa birlikining tashqi ishlar ministirlirigha xet yollap, amérikining kubadiki gu'entanamo türmisini taqashta yawropa birligining ching turishi kéreklikini bildürdi.

Fransiye agéntliqining xewer qilishiche, kishilik hoquq közitish teshkilati xétide yene, yawropa birligining bu heqte yéterlik küch chiqiralmighanliqini eyibligen. 2001‏- Yilidin buyan amérikining gu'entanamo türmiside afghansitanda qolgha élin'ghan we térrorchi dep guman qilin'ghan bir qisim kishiler tutup turiliwatqan bolup, kishilik hoquq közitish teshkilati bayanatida yene, bu yerdiki Uyghurlarni öz ichige alghan bir qisim kishiler gunahsiz dep élan qilinsimu, yenila dawamliq bu yerde tutup turiliwatqanliqini eyiblidi.

Mezkur teshkilat, yawropa ittipaqining öz meydanida chingraq turup, bu gunahsiz kishilerni qoyup bérishke küchishi kéreklikini, shundaq bolghan gu'entanamo türmisining taqilishighimu paydiliq bolidighanliqini bildürdi. Amérika prézidénti jorj W bush buningdin awal gu'entanamo türmisining taqilishigha qoshilidighanliqini, emma aldi bilen choqum bu yerdiki amérikigha tehdit keltüreleydighan térrorchilarning bashqa döletlerge yötkiwétilishi kéreklikini éytti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.