Хитай компютерчилири америка һөкүмитиниң компютерлириға һуҗум қилди


2005.08.25
Share on WhatsApp
Share on WhatsApp

Хитай компютерчилири америка дөләт мудапиә министирлиқи вә башқа органларниң компютер сестимилириға кирип, бир қисим материялларни қолға чүшүргән.

Америкида чиқидиған "вашингтон почтиси" гезитиниң хәвиригә қариғанда, хитайдики бир қисим компютерчилар бу қетимлиқ һуҗумда, америка дөләт мудапиә министирлиқиниң компютер системисидин бир қисим материялларни қолға чүшүргән болсиму, әмма булар мәхпий материяллар әмәскән.

"Вашингтон почтиси" гезитиниң зияритини қобул қилған америка дөләт мудапиә министирлиқидики бир қисим хадимлар, хитайдин кәлгән бу хил һуҗумларни сүрүштә қилғанда, буниң 3-4 йил авалға четилидиғанлиқини, шундақла гәрчә булар мәхпий материяллар болмисиму, әмма уларниң һәммисини бирйәргә топлиғанда, униңдин пайдилиқ учурға еришкили болидиғанлиқини билдүрди.

Нөвәттә америка федерал тәкшүрүш идариси буниң үстидин тәкшүрүш елип беришқа башлиған. Шундақла ениқлашқа қариғанда, америка дөләт мудапиә министирлиқиниң компютер системилириға хитайдин келидиған һуҗум, башқа дөләтләргә қариғанда көп икән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.