Xitay kompyutérchiliri amérika hökümitining kompyutérlirigha hujum qildi


2005.08.25

Xitay kompyutérchiliri amérika dölet mudapi'e ministirliqi we bashqa organlarning kompyutér séstimilirigha kirip, bir qisim matériyallarni qolgha chüshürgen.

Amérikida chiqidighan "washin'gton pochtisi" gézitining xewirige qarighanda, xitaydiki bir qisim kompyutérchilar bu qétimliq hujumda, amérika dölet mudapi'e ministirliqining kompyutér sistémisidin bir qisim matériyallarni qolgha chüshürgen bolsimu, emma bular mexpiy matériyallar emesken.

"Washin'gton pochtisi" gézitining ziyaritini qobul qilghan amérika dölet mudapi'e ministirliqidiki bir qisim xadimlar, xitaydin kelgen bu xil hujumlarni sürüshte qilghanda, buning 3-4 yil awalgha chétilidighanliqini, shundaqla gerche bular mexpiy matériyallar bolmisimu, emma ularning hemmisini biryerge toplighanda, uningdin paydiliq uchurgha érishkili bolidighanliqini bildürdi.

Nöwette amérika fédéral tekshürüsh idarisi buning üstidin tekshürüsh élip bérishqa bashlighan. Shundaqla éniqlashqa qarighanda, amérika dölet mudapi'e ministirliqining kompyutér sistémilirigha xitaydin kélidighan hujum, bashqa döletlerge qarighanda köp iken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.