Хамас ғәрб әллириниң исраилийини йоқитиш нийитидин ваз кечиш тәлипини рәт қилди


2006-01-31
Share

Өткән һәптидики парламент сайлимида ғәлибә қилған пәләстин радикал ислам һәрикити хамас сәйшәнбә күни баянат елан қилип, пәләстин аптономийисиниң сияси һоқуқини қолға кәлтүргән болсиму, әмма исраилийигә қарши " тиркишиш" истратегийисидин ваз кәчмәйдиғанлиқини җакарлиди.

явропа иттипақи, америка, русийә вә б д т қатарлиқ дөләт вә хәлқара тәшкилатлар дүшәнбә күни баянат елан қилип, хамасни зораванлиқтин ваз кечишкә, исраилийини етирап қилишқа чақирған. Әгәр бу шәртләргә көнмисә, пәләстингә берилидиған ярдәмни тохтитидиғанлиқини агаһландурди. Пәләстингә берилидиған ярдәмниң асаси қисимини явропа иттипақи, америка вә сәуди әрәбистанлар үстигә алған. явропа иттипақи 2005 - йили пәләстингә 600 милйон доллар, америка 400 милйон доллар ярдәм қилди. Бирақ хамас һәрикитиниң рәһбәрлиридин исмайил ханийә, бу тәклипни " адаләтлик шәртләр әмәс", дәп атиди. У, " адаләтсиз шәртләр" пәләстин хәлқиниң бихәтәрликигә хәвп йәткүзиду, дәп тәкитлигән.

Исраилийә даирилириниң агаһландурушичә, телавиф пәләстин даирилиригә беридиған баҗ киримини тоңлитип қоюшни ойлашмақта. явропа иттипақи билән америкиниң олтуматуми хамас һәрикитиниң рәһбәрлирини ғәзәпләндүргән. Хамас һәрикитиниң рәһбири халид мешал, әнгилийә " көзәткүчиләр " гезитигә язған мақалисидә " хамасниң пара бериш, алдаш вә һәйвә қилишқа қарши туруш күчи бар " дәйду. Әмма б д т баш катипи кофи аннан дүшәнбә күни америка, явропа иттипақи вә русийиләр билән биргә елан қилған төт тәрәп баянатида, " келәчәктики пәләстин һөкүмитиниң барлиқ әзалири зораванлиқтин ваз кечиши, исраилийини етирап қилиши вә йол хәритисини өз ичигә алған илгирики келишим вә мәҗбурийәтлирини етирап қилши керәк " деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт