Bush, döletlerni muhemmed peyghemberning resimi sewebidin chiqqan qarshiliqlarni tosashqa chaqirdi


2006-02-08
Share

Amérika prézidénti jorj W bush charshenbe küni her qaysi dölet hökümetlirini, kishilerning muhemmed peyghemberning hejiwiy resimige qarshi élip barghan zorawanliq heriketlirini tosushqa chaqirdi. Bu, bushning mezkur resim weqesi heqqide tunji qétim ochuq bayanat bérishi bolup hésablinidu.

Bush sözide yene, her qaysi döletlerni gunahsiz diplomatlarning bixeterlikini qoghdashqa chaqirdi. U, axbarat erkinlikini yaqlash bilen birge, " axbarat erkinlikimu bolush kérek hemde mes'uliyetmu bolushi kérek" dédi. Bush bu sözlirini i'ordaniye padishahi aq saraygha ziyaretke kelgen mezgilde qilghan.

Buning aldida 3 chong xelq'araliq teshkilat bolghan birleshken döletler teshkilati, yawropa ittipaqi hemde islam döletliri teshkilati seyshenbe küni birleshme bayanat élan qilip, dunyadiki musulmanlarni özini tutuwélishqa chaqirghan. Bayanatta, "gerche bu resim kishini nahayiti epsuslandursimu, lékin dunyaning nurghun jayliridiki musulmanlarning zorawanliq yoli bilen achchiqini chiqirishi kishini endishige salidu" dep yézilghan.

Muhemmed peyghemberning hejiwiy resimi ötken yili 9‏- ayda deslep daniyining gézitide élan qilin'ghan bolup, kéyin bu yawropadiki bezi gézitlerdimu qayta bésilghan. Shu sewebtin liwan, iran we süriye qatarliq döletlerdiki narazi bolghan musulmanlar daniye elchixanisining binasini weyran qilghan.Hetta shu sewebtin afghanistanda kötürülgen qalaymiqanchiliqta 4 kishi qaza qilip 20 nechche kishi yarilan'ghan.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet