رۇسىيە يېقىندا بىر خىل ھاۋا بومبىسى سىناق قىلغان. ب ب س نىڭ خەۋىرىگە قارىغاندا ، رۇسىيە تېلېۋىزىيە خەۋەرلىرىدە كۆرسىتىلىشىچە، يېقىندا رۇسىيىنىڭ 'تۇ' بەلگىلىك بومباردىمانچى ئايرۇپىلانى ھاۋادا پارتلايدىغان بىر خىل بومبا تاشلاشنى سىناق قىلغان.
خەۋەردە ئېيتىلىشىچە، رۇسىيىدە سىناق قىلىنغان بۇ خىل ھاۋا بومبىسى بىرىنچى قېتىم پارتلىغاندا ھاۋادا بۇلۇت پەيدا قىلىدىكەن، ئۇنىڭدىن كېيىن بۇخىل بۇلۇت يانغىنىغا ئايلىنىپ، كۆزلەنگەن نىشاننى پاچاقلايدىكەن.
مۇلاھىزىچىلەرنىڭ ئېيتىشىچە، بۇ خىل بومبىنى رۇسىيە بۇرۇن ئافغانىستاندا ۋە چېچىنىيىدە ئىشلەتكەن. ھازىر سىناق قىلغىنى بۇنىڭدىن بۇرۇن ئامېرىكا ئىراققا ھۇجۇم قىلىش ئالدىدا ئېلىپ بارغان پسىخولوگىيىلىك ھۇجۇم سىنىقىدا قوللانغان MOAB بەلگىلىك ھاۋا بومبىسىدىن 4 ھەسسە كۈچلۈك بولۇپ، بۇنداق بىر بومبا تۆت قەۋەتلىك چوڭ بىنانى بىراقلا تۈزلىۋىتەلەيدىكەن.
مۇلاھىزىچىلەرنىڭ پەرەز قىلىشىچە، بۇمۇ رۇسىيىنىڭ يېڭى ۋەزىيەتتىكى پىسخىلوگىيىلىك ئۇرۇش 'خىتابنامىسى' بولسا كېرەك. (ۋەلى)