Сәуди әрәбистанға топланған икки милйон һаҗи намзати һәҗ вәзиписини орундаш алдида туриду


2005-01-17
Share

Дуняниң һәрқайси җайлиридин һәҗ вәзиписини ада қилиш үчүн сәуди әрәбистанниң мәккә мукәррәмә шәһири вә әтрапиға топланған икки милйонға йеқин һаҗи намзати, сәйшәнбә күни башлайдиған һәҗ ибадитини орундаш үчүн тәйярлиқ көрмәктә.

Һаҗи намзатлири төт һәптидин бири дуняниң һәрқайси дөләтлиридин сәуди әрәбистанниң мәккә вә мәдинә шәһәрлиригә келип, ибадитини башлиған иди.

Франсийә ахбарат агентлиқиниң хәвәр қилишичә, йеқиндин бири әл-қаидә тәшкилатиниң һуҗумиға учраватқан сәуди һөкүмити һәҗ паалийитиниң бихәтәрликигә капаләтлик қилиш үчүн қаттиқ тәдбирләр алған.

Сәуди әрәбистан һәҗ идарисиниң билдүрүшичә, һаҗи намзатлири һәҗ ибадитиниң әң муһим қисми һесабланған әрапат теғиға чиқип, бу йәрдики ибадитини түгитип, қурбан һейтниң биринчи күни болған пәйшәнбә күни мәккигә қайтип келидикән. Һаҗи намзатлири қурбанлиқ қилиш вәзиписини ада қилғандин кейин һаҗи болуп, қурбан һейтини қутлайдикән һәмдә җүмә вә шәнбә күнлири минаға чиқип, шәйтанға таш етиш вәзиписини орундайдикән.

Сәуди әрәбистан даирилириниң билдүрүшичә, һаҗи намзатлириниң қурбанлиқ иһтиячлирини қамдаш үчүн, сәуди әрәбистандики содигәрләр судан вә уругвайдин бир милйондин артуқ қой импорт қилған. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт