Se'udi erebistan'gha toplan'ghan ikki milyon haji namzati hej wezipisini orundash aldida turidu

Dunyaning herqaysi jayliridin hej wezipisini ada qilish üchün se'udi erebistanning mekke mukerreme shehiri we etrapigha toplan'ghan ikki milyon'gha yéqin haji namzati, seyshenbe küni bashlaydighan hej ibaditini orundash üchün teyyarliq körmekte.

Haji namzatliri töt heptidin biri dunyaning herqaysi döletliridin se'udi erebistanning mekke we medine sheherlirige kélip, ibaditini bashlighan idi.

Fransiye axbarat agéntliqining xewer qilishiche, yéqindin biri el-qa'ide teshkilatining hujumigha uchrawatqan se'udi hökümiti hej pa'aliyitining bixeterlikige kapaletlik qilish üchün qattiq tedbirler alghan.

Se'udi erebistan hej idarisining bildürüshiche, haji namzatliri hej ibaditining eng muhim qismi hésablan'ghan erapat téghigha chiqip, bu yerdiki ibaditini tügitip, qurban héytning birinchi küni bolghan peyshenbe küni mekkige qaytip kélidiken. Haji namzatliri qurbanliq qilish wezipisini ada qilghandin kéyin haji bolup, qurban héytini qutlaydiken hemde jüme we shenbe künliri minagha chiqip, sheytan'gha tash étish wezipisini orundaydiken.

Se'udi erebistan da'irilirining bildürüshiche, haji namzatlirining qurbanliq ihtiyachlirini qamdash üchün, se'udi erebistandiki sodigerler sudan we urugwaydin bir milyondin artuq qoy import qilghan. (Qanat)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar