Kolin powél li jawshing bilen shimaliy koriye we iran mesilisini muzakire qildi


2004-11-05
Share

Amérika tashqi ishlar ministiri kolin powél bilen xitay tashqi ishlar ministiri li jawshing jüme küni téléfonda sözliship, shimaliy koriye yadro qorallar pilani bilen iran mesilisini muzakire qildi. Li jawshing shenbe küni téhranni ziyaret qilidu. Xitay bilen iranning néfit énérgiye hemkarliqi we iran yadro qorallar pilani li jawshingning téhrandiki ziyaritining asasliq küntertipini igileydu.

Kolin powéll li jawshing bilen iranning yadro qorallar pilanini xelq'ara atom énirgiye orginining ramkisi da'iriside qandaq hel qilish mesilisi boyiche pikir almashturghan. Xitay iran'gha nazuk herbiy téxnikilargha sétip bériwatqan döletlerning biri. Shundaqla xitay bilen iranning néfit - énirgiye sahesidiki hemkarliqining yoshurun küchi intayin zor. Xitay bilen iran yéqinda 20 milyard dollarliq énirgiye hemkarliq kélishimi tüzgen.

Iranning qoyuqlandurulghan uran ayrish pilani amérikining qattiq bésimigha uchrimaqta. Amérika iranning qoyuqlandurulghan uran ayrish pilani, yadro qorallarni tereqqi qildurushni meqset qilidu dep qaraydu. Shinxu'a axbarat agéntliqi li jawshing bilen kolin powélning térrorchiliqqa qarshi turush mesilisinimu muzakire qilghanliqini bildürdi.

Kolin powél 10 - ayning axirlirida xitayni ziyaret qilip, xitay hökümitining gu'antanamodiki Uyghurlarni qayturup bérish telipini yene bir qétim ret qilghan. Xewerlerge qarighanda ikki dölet tashqi ishlar ministirliki amérika - xitay tashqi ishlar ministirliri arisida issiq liniye téléfoni ornitishqa qoshulghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet