Rusiye, xitay we hindistanning tashqi ishlar ministirliri " térrorchiliqqa qarshi" hemkarliqni kücheytmekchi

Rusiyining wiladiwastok shehiride söhbet ötküzüwatqan rusiye, xitay we hindistanning tashqi ishlar ministirliri "térrorchiliqqa qarshi" hemkarliqni téximu kücheytidighanliqini bildürdi.

Amérika birleshme axbarat agéntliqining xewirige qarighanda, rusiye tashqi ishlar ministiri lawrup, xitay tashqi ishlar minstiri li jawshing we hindistan tashqi ishla rministiri natwar sing bilen uchrashqandin kéyinki muxbirlarni kütüwélish murasimida söz qilip, " biz xelq'ara térrorchiliq, zeherlik chékimlik etkeschiliki qatarliq yéngi riqabetlerge birlikte zerbe bérishke qoshulduq" dédi.

Rusiye we xitay térritoriyiside musteqilliq telep qiliwatqan chéchen we Uyghur musteqilchilirini xelq'aragha " térrorchilar" dep körsetmekte.

Xewerge qarighanda, üch dölet tashqi ishlar ministirliri yene ottura sherq mesilisi, shimaliy koriye yadro krizisi, b d t bixeterlik kéngishini kéngeytish islahati qatarliq rayonning bixeterlik mesililiri heqqide söhbet ötküzgen. Buningdin sirt, énérgiye mesilisimu ularning muhim söhbet témilirining biri bolghan.

Bu, üch dölet tashqi ishlar ministirlirining tünji qétim mexsus uchrishishi bolup, bir qisim analizchilar, bu qétimqi söhbet emeliyette amérikining asiyadiki tesir küchige taqabil turalaydighan bir küchni shekillendürüshni meqset qilghan dep qarimaqta.

Yene bir tereptin, xitay we rusiyining tashqi ishlar ministirliri ikki dölet chégra toluqlima kélishimige qol qoyghan. Xitay tashqi ishlar ministirliri li jawshing buning bilen ikki dölet otturisidiki chégra ixtilapining hel bolghanliqini bildürgen. (Arzu)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar