Shangxey guruhidiki döletlerning parlamént bashliqliri moskwada yighin achti


2006-05-30
Share

Rusiye bilen xitay bashchiliqidiki shangxey guruhigha eza döletler parlamént bashliqliri seyshenbe küni moskwada yighin échip, shangxey guruhining hemkarliqini kücheytish mesililiri boyiche söhbet élip bardi.

Shangxey guruhidiki döletlerning parlamént bashliqliri uchrishishtin bir kün ilgiri rusiye rehberliri yawropa parlaméntidiki yuqiri derijilik zatlar bilen moskwada söhbet ötküzgen. Rusiye prézidénti wladimir putin parlamént bashliqlirini krimil sariyida kütiwélip, shangxey guruhining rolini kücheytishke ehmiyet béridighanliqini bildürdi. U, " biz bu teshkilatimizning xelq'arawiy riqabet küchini turghuzushimiz kérek " deydu.

Shangxey hemkarliq teshkilati 1996 -yili qurulghan. Bu yil 6 - ayda bu teshkilat qurulghanliqining 10 yilliqi xatirlenmekchi. Közetküchilerning qarishiche, bu teshkilat yéqinqi yillardin béri amérikining ottura asiyadiki tesir küchige qarshi tengpunglashturghuchi rol oynashni kücheytmekte. Ötken yili shangxey guruhidiki döletler amérikini ottura asiyadin qoshun chékindürüshke chaqirghan. Wladimir putin krimil sariyida parlamént bashliqlirigha " bizning menpetimiz shangxey hemkarliq teshkilatini yawro - asiyada muqimliq we bixeterlikning kapaletchisi qilip qurup chiqish" deydu.

Shangxey guruhidiki döletler xitayning sherqiy türkistan küchlirini basturush herikitini qollap kelmekte. Uchrishishtin kéyin wladimir putin xitay xelq qurultiyining bashliqi bilen ayrim söhbet ötküzgen. Putinning eskertishiche, u bu yil ichide xitay dölet re'isi xu jintaw bilen 4 qétim uchrishidiken. Iran prézidénti exmedinijad bu organning shangxeyde chaqirilidighan bashliqlar yighinigha teklip qilindi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet